ކުރިއަށް އޮތް ހަފްތާއާއި، އަދި ޖެނުއަރީ މަހުގެ ތެރޭގައި 10 ގަޑިއިރަށް ކަރަންޓް ކެނޑޭނޭކަމަށް ބުނެ، އަވައްޓެރި ސްރީ ލަންކާގެ އިންޖިނިއަރސް ޔޫނިއަންއިން ފަތުރަމުން ދަނީ ދޮގު ޚަބަރުތަކެއް ކަމަށް އެގައުމުގެ ސަރުކާރުން ބުނެފިއެވެ.
ލަންކާގެ އިންޖިނިއަރސް ޔޫނިއަންގެ ރައީސް ނިހާލް ވީރަރަތުނެ ބުނެފައިވަނީ، ނޮރޮއްކަލީ ޕަވަރޕްލާންޓްގައި ކޯލް ހުސްވުމުގެ ސަބަބުން، ކުރިއަށް އޮތް ޖެނިއަރީ މަހުގެ ތެރޭގައި 10 ގަޑިއިރަށް ކަރަންޓް ކަނޑާނޭ ކަމަށް ލަފާކުރެވޭ ކަމަށެވެ.
ނަނަވެސް، އެވާހަކަތައް ދޮގުކުރައްވައި، ލަންކާގެ ޕަވަރ އެންޑް އެނަރޖީ މިނިސްޓަރ ކަންޗަނާ ވިޖެސޭކަރާ ވިދާޅުވީ، އިންޖިނިއަރސް ޔޫނިއަންއިން ފަތުރަމުން ދަނީ، ދޮގު ވާހަކަތަކެއް ކަމަށާއި، އެކަމާ ގުޅޭގޮތުން ގާނޫނީ ފިޔަވަޅުވެސް އަޅުއްވާނޭ ކަމަށެވެ.
އަދި، މިހާރުވެސް އާންމުކޮށް، ކަރަންޓު ކަނޑަމުންދާގޮތަށް 2 ގަޑިއިރާ 20 މިނިޓަށްވުރެ އިތުރަށް ޖެނިއަރީގައިވެސް، އަދި މި ޑިސެންބަރު، 24، 25، 26ގައި ވެސް ކަރަންޓް ނުކެނޑޭނޭކަމުގެ ޔަގީންކަން ދެއްވާ ކަމަށެވެ.
