މިއަހަރުގެ ފިނިމޫސުމުގެ ޗުއްޓީ ދުވަސްވަރާ ދިމާކޮށް، އެމެރިކާއަށް ފިނީގެ ތޫފާނުގެ ބިރުވެރިކަމާ ކުރިމަތިލާން ޖެހިއްޖެއެވެ.
އެމެރިކާގެ މޫސުމާ ބެހޭ އިދާރާތަކުން ލަފާކުރާ ގޮތުން ކުރިއަށް އޮތް ހަފްތާތަކުގައި އެގައުމުގެ 50 މިލިއަނެއްހާ ރައްޔިތުންނަށް ފިނީގެ ނުރައްކަލާ ކުރިމަތިލާން ޖެހޭނެއެވެ. އެގޮތުން، އައްސޭރިފަށުގައި ދިރިއުޅޭ ރައްޔިތުންނަށް ފިނީގެ ތޫފާންތަކުގެ ބިރުވެރިކަން ބޮޑުކަމަށްވެސް ލަފާކުރެއެވެ.
އާކްޓިކްގެ ގަދަ ފިންޏާއެކު، އެމެރިކާގެ މެދުތެރެއާއި ދެކުނުގެ ސަރަހައްދުތަކަށް މިހާރުވެސް މައިނަސް 20 ޑިގްރީއަށް ފިނިހޫނުމިން ވެއްޓިފައިވާއިރު، ކުރިއަށް އޮތް މަހެއްހާ ދުވަހުގެ ތެރޭގައި، އެގައުމުގެ ބައެއް ސަރަހައްދުތަކުގައި ފިނީގެ ތޫފާންތަކާއެކު، މައިނަސް 50 ޑިގްރީއަށްވެސް ފިނިހޫނުމިން ދައްވާނޭކަމަށް ލަފާކޮށްފައިވެއެވެ.
ނަޞާރާއިންގެ ޢީދު ބަންދާ ދިމާކޮށް، ކޮންމެ އަހަރެއްގެ ޑިސެމްބަރާއި ޖެނުއަރީގައި ކުލަގަދަ ހަފްލާތައް އެމެރިކާގައި ކުރިއަށް ގެންދެއެވެ.
