މާދަމާރޭ ޤަތަރުގައި ފަށާ ދުނިޔޭގެ ތައްޓަށް ކުޅޭ ފުޓްބޯޅަ މުބާރާތް ފަށަން ކުޑަތަންވެފައި ވަނިކޮށް، މިފަހަރުގެ ވޯލްޑް ކަޕްގެ މެޗްތައް ކުޅޭ ދަނޑުތަކުގައި ރާވިއްކުން މަނާކުރުމާ ގުޅިގެން، ޚާއްސަކޮށް ހުޅަނގުގެ ގިނަ ބައެއްގެ ފާޑުކިޔުން ޤަތަރަށް އަމާޒުވިއެވެ. އެހެނަސް ޖުމުލަގޮތެއްގައި ގިނަބަޔަކު ވަނީ ޤަތަރުގެ ނިންމުމަށް މަރުހަބާ ކިޔައިފައެވެ. އަދި، ބަނގުއާވީގެ ބުއިންތައް މެޗުކުޅޭ ދަނޑުތަކަށް ނުވެއްދިޔަސް، އަދި އެތަންތަނުން ގަންނާން ނުލިބުނަސް ފުޓްބޯޅައިގެ ފޯރިއަށް އަސަރު ނުކުރާނޭކަމަށް ސަޕޯޓަރުން ބުނެއެވެ.
މެދުއިރުމަތީގައި ބާއްވާ ފުރަތަމަ ވޯލްޑް ކަޕް މާދަމާރޭ ގަތަރުގައި ފަށާއިރު، 3 މިލިޔަންގެ އާބާދީއެއް އޮތް ގަތަރަށް އިތުރު 1.2 މިލިއަން މީހުން މި މުބާރާތުގެ މެޗުތަށް ބަލާން ދުނިޔޭގެ އެކި ކަންކޮޅުތަކުން އެގައުމަށް ޖަމާވާނޭކަމަށް ލަފާކުރެވެއެވެ.
އަދި މިހާރުވެ ގިނަ ސަޕޯޓަރުންތަކެއް ގަތަރަށް ޖަމާވެފައިވާއިރު، ގަތަރު ސަރުކާރުން ފަހު މިނިޓްގައި ރާވިއްކުން މަނާކުރާން ނިންމި ނިންމުމަށް، މިހާރުވެސް އޭގެތެރޭން ގިނަ ބަޔަކު ދަނީ މަރުހަބާކިޔަމުންނެވެ. ސަބަބަކީ، ފުޓްބޯޅައަކީ، ހުރިހާ މުޖްތަމައުތަކަކާވެސް ރައްޓެހި، އަދި މުޅިދުނިޔޭންވެސް އެއްވަނަ ކުޅިވަރުގެ ގޮތުގައި ބަލައިގެންފައިވާ ކުޅިވަރަށް ވާއިރު، އެ މުބާރާތެއް ކުޅޭ ގައުމުގެ އާދަކާދައާ ސަގާފަތާ އެއްގޮތަށް ކަންކަން ރޭވިގެން ދިއުމަކީ މައްސަލައެއް ނޫންކަމަށް އެމީހުން ބުނެއެވެ.
ގަތަރުގެ 8 ދަނޑެއްގައި ވޯލްޑް ކަޕް މެޗްތައް ކުޅޭން ހަމަޖެހިފައިވާ އިރު، ދަނޑުތަކުގައި ބަނގުރާ ވިއްކުން މަނާކުރާން ނިންމާފައި ވަނީ، ޤަތަރު ސަރުކާރާއި، ދުނިޔޭގެ ފުޓްބޯޅައިގެ މައި އިދާރާ މަޝްވަރާކުރުމަށް ފަހުއެވެ.
ޤަތަރަކީ އިސްލާމީ ދައުލަތެއް އޮންތަ ޤައުމަކަށް ވުމުން، މިފަހަރުގެ ވޯލްޑް ކަޕްގައި އިސްލާމް ދީނާ ޚިލާފު ޝިޢާރުތައް ފާޅުކުރުމާއި، އެފަދަ ޢަމަލުތައް ހިންގާ ފަރާތްތަކާ މެދު ޤަތަރުގެ ޤާނޫނާ އެއްގޮތަށް ފިޔަވަޅު އަޅާނޭކަން އެގައުމުން ވަނީ އަންގައިފައެވެ.
