ބާޒާރުގައި މިހާރު ވިއްކަމުން އަންނަ އަގުހެޔޮ އިއަރފޯންސް/އިއަރބަޑްސް ތަކާ ވާދަކުރުމަށް މަޝްހޫރު އެޕަލްކުންފުނިން "އެއަރޕޮޑްސް ލައިޓް" ނެރެން ތައްޔާރުވަމުންދާކަމުގެ އަޑުތައް ފެތުރޭން ފަށައިފިއެވެ.
އެޕަލްގެ ޚަބަރުތައް ގެނެސްދޭ 9to5Macގައި އެނަލިސްޓް ޖެފް ޕޫ ބުނެފައިވާގޮތުން، އެޕަލްއިން ދަނީ، ހެޔޮ އަގުގައި ވިއްކުމަށް، "އެއަރޕޮޑްސް ލައިޓް" ނެރުމުގެ ތައްޔާރީތައް ވަމުންނެވެ. އެގޮތުން މިހާރު މާކެޓްގައި ހެޔޮއަގުގައި ލިބޭންހުރި، ފެންވަރު ރަނގަޅު އިއަރބަޑްސްތަކާ ވާދަކުރެވޭ އަގެއްގައި "އެއަރޕޮޑްސް ލައިޓް" ވިއްކާނޭކަމަށް އޭނާ ލަފާކޮށްފައިވެއެވެ.
ޖެފް ލަފާކުރާ ގޮތުގައި، އެއަރޕޮޑްގެ 73 މިލިއަން ޔުނިޓް 2022ގައި ނެރެފައި ވީ ނަމަވެސް، 2023ގައި މިއަދަދު 63 މިލިއަނަށް ދައްވާނެއެވެ.
