ސިޔާސީ ރެލީއެއްގެ ތެރޭން، މިދިޔަ އަހަރުގެ ނޮވެމްބަރު މަހުގެ 3 ވަނަ ދުވަހު، ޕާކިސްތާނުގެ ކުރީގެ ބޮޑުވަޒީރު އިމްރާން ޚާނަށް، ބަޔަކުވަނީ ބަޑީގެ ހަމަލާއެއްދީ ޒަޚަމްކޮށްލައިފައެވެ. އަދި އެ މައްސަލަ، ޕާކިސްތާނުގެ ޖޮއިންޓް އިންވެސްޓިގޭޝަން ޓީމު (ޖޭއައިޓީ)އިންދަނީ ތަހްގީގުކުރަމުންނެވެ.
ނޮމްބަރު3ގައި އިމްރާން ޚާނަށް ދިން ޓެރަރިސްޓް ހަމަލާއާ ގުޅޭގޮތުން، ޖޭއައިޓީން އެންމެ ފަހުން ހާމަކޮށްފައިވާ ގޮތުން، އެދުވަހު، އިމްރާން ޚާނަަށް ހަމަލާދިން ކަމުގެ ތުހުމަތުގައި ހައްޔަރުކޮށްފައިވާ މީހާގެ އިތުރުން، އިތުރު 3 ސަރަހައްދެއްގައި ތިބެގެންވެސް އޭނާއަށް ބަޑީގެ ހަމަލާ ދީފައިވެއެވެ.
އިމްރާން ޚާނަށް ދިން ބަޑީގެ ހަމަލާގައި އޭނާގެ ކަނާތުފަޔަށް ވަޒަނެއް އަރައި ވަރަށް ބޮޑަށް ޒަޚަމްވިއެވެ.
