ސައުދީ އަރަބިއްޔާގެ އަލް ނަސްރު ޓީމާ ގުޅުމުން، ޕޯޗްގީޒް ތަރި ކްރިސްޓިއާނޯ ރޮނާލްޑޯއަށް ގިނަބަޔަކު ދަނީ ފާޑުކިޔަމުންނެވެ. ޚާއްސަކޮށް ވިލާތު މީޑިއާތަކުންނާއި، އަދި ވިލާތު ޓީމުތަކުގެ ސަޕޯޓަރުންގެ ފާޑުކިޔުންތައް ރޮނާލްޑޯއަށް ވަނީ ވަރަށް ބޮޑަށް އަމާޒުވެފައެވެ.
އިނގިރޭސި ކްލަބް މެންޗެސްޓަރ ޔުނައިޓެޑް ދޫކޮށް، މިދިޔަ ހަފްތާގައި ސައުދީ ޓީމާ ގުޅުނު ރޮނާލްޑޯ ބުނީ، އޭނާގެ ފުޓްބޯޅަ ކެރިއަރާ ގުޅޭގޮތުން ގިނަބަޔަކު ފާޑުކިޔަމުންދާ ކަމަށެވެ. ސައުދީ އަރަބިއްޔާއަށް އައުމުން އޭނާގެ ފުޓްބޯޅަ ކެރިއަރު އަދި އެ ނިމުނީ ނޫންކަމަށެވެ.
ރޮނާލްޑޯ ބުނީ، އޭނާއަށް ފާޑުކިޔާ ފަރާތްތަކަށް ފުޓްބޯޅައަކީ ކޮބައިކަން ނޭނގޭ ކަމަށެވެ. އަދި އޭނާއަށް އެނގިފައިވާ ގޮތުގައި ސައުދީ ފުޓްބޯޅަ ލީގަކީ ވަރަށް ވާދަވެރި ލީގެއް ކަމަށާއި، އެ ލީގާ ގުޅުމުން އޭނާއަށް ފާޑުކިޔާމީހުންގެ ފާޑުކިޔުންތަކާމެދު އޭނާގެ ފަރުވަލެއް ނެތްކަމަށެވެ.
"އަހަރެންގެ ނިންމުމާ މެދު ފާޑުކިޔާ މީހުންނާމެދު އަހަރެން ނުވިސްނަން. އަހަރެން މިވަނީ ގޮތް ނިންމާފައި. އަދި އަހަރެން މިހުރީ އުފަލުން"
