މާލޭ ދެކުނު ފަރާތުން، ކުރީގެ އެއް ނަންބަރު ކުނިކޮށި ހިމެނޭ ސަރަހައްދުގައި ހިންގަމުން އަންނަ ނީލަން އެތަނުގައި ދެއްން ނުހިންގާން މާލޭ ސިޓީކައުންސިލުން ނިންމައިފިއެވެ.
މާލެ ސިޓީކައުންސިލްގެ މިއަދުގެ ބައްދަލުވުމުގައި ބައިވެރި 11 މެންބަރުންގެ އިއްތިފާގުން ފާސްކުރި މި ނިންމުމާ ގުޅޭގޮތުން، މާލޭގެ މޭޔަރު މޭޔަރު ޑރ. މުހައްމަދު މުއިއްޒު ވިދާޅުވީ، ނީލަން ފިހާރަ މިހާރު ހުރި ސަރަހައްދުގައި އެ ވިޔާފާރި ދެން ނުހިންގޭނޭ ކަމަށާއި، އަދި ސެކަންޑްހޭންޑް މާކެޓް ހިންގާން މާލޭ އިންޑަސްޓްރިއަލް ވިލެޖުން ބިމެއް ދޫކުރާން ސަރުކާރުގައި އެދޭން ނިންމާފައިވާ ކަމަށެވެ.
މޭޔަރު ވިދާޅުވީ، ސަރުކާރުން މިކަމުގައި އެއްބާރުލުން ނުދީފި ނަމަ، ނަތީޖާއަކަށް ވާނީ، ނީލަންފިހާރަ ވަގުތީގޮތުން ހުއްޓާލަން ޖެހުންކަމަށެވެ. އަދި ބިމެއް ލިބިގެން މި މަސައްކަތް ފެށިނަމަވެސް، ވަކިބަޔަކަށް އެތަން ދޫނުކުރާނޭ ކަމަށާއި، ކުރިއަށް އޮތްތާނގައި އެމަސައްކަތް ކުރާނީ، އުސޫލެއްގެ ދަށުން ފުރުސަތު ހުޅުވާލައި، އެކަމަށް އެދޭ ފަރާތްތަކަށް އެކަން ކުރެވޭ ގޮތަށް ކަމަށެވެ.
ނީލަންފިހާރައަކީ، މީގެ ކުރީންވެސް ވަރަށް ގިނައިން އަލިފާނުގެ ބޮޑެތި ހާދިސާތައް ހިނގާފައިވާ ތަނެކެވެ.
