މާލެ އަތޮޅުގައި ތަރައްގީކުރަމުންއަންނަ، ރިސޯޓެއްކަމަށްވާ، ކ. ބޮލިދުއްފަރު ގޮނޑުދޮށުން އިއްޔެ ފެނުނު، ބޮޑު ކިނބުލެއް، ހިފުމަށްފަހު ރައްކާތެރިކަމާއެކު މާކަނޑަށް ދޫކޮށްލައިފިއެވެ.
އެމްއެންޑީއެފުން ބުނީ، ކ. ބޮލިދުއްފަރު ގޮނޑުދޮށާ ކައިރިން އިއްޔެ ފެނުނު ކިނބޫ އެމްއެންޑީއެފް ކޯސްޓްގާޑުން ހިފުމަށް ފަހު، އެރަށުގެ އިރުން 24 ނޯޓިކަލް މޭލު ބޭރަށް މިހާރު ދޫކޮށްލައިފައިވާ ކަމަށެވެ.
ދިގުމިނުގައި 14 ފޫޓް 4 އިންޗި ހުރި، މި ކިނބޫ ހޯދުމުގެ މަސައްކަތް އެމްއެންޑީއެފް ކޯސްޓްގާޑުގެ ސެއިލަރުން ކުރަމުންދަނިކޮށް، ކިނބޫ ފެނިފައިވަނީ މިއަދު ހެނދުނު 08:30 ހާއިރު ބޮލިދިއްފަރުގެ ދެކުނުފަރާތު ފަޅުތެރޭންނެވެ. ކިނބޫ ހިފިފައިވަނީ މިއަދު ހެނދުނު 09:15 ހާއިރުއެވެ.
