މި މަހުގެ 12 ވަނަ ދުވަހު، މާލެއިން ގެއްލިގެން، ހޯދުމަށް ފުލުހުން އިއުލާނުކުރި، ދ. މާއެނބޫދޫ / ފަރިމާވިލާ، އުމުރުން 34 އަހަރުގެ ޙަސަން ރަމީޒް ފެނިއްޖެ ކަމަށް ފުލުހުން ބުނެފިއެވެ.
ފުލުހުން ރަމީޒް ހޯދުމުގެ މަސައްކަތް ފެށީ، މިމަހުގެ 6 ވަނަ ދުވަހުން ފެށިގެން އޭނާގެ ޚަބަރެއް ނުވެގެން، އައިލާއިން އެ މައްސަލަ 10 ވަނަދުވަހު ފުލުހުންނަށް ރިޕޯޓްކުރުމާ ގުޅިގެންނެވެ. ފުލުހުން އޭނާ ހޯދުމުގެ މަސައްކަތް ފަށައި ހަބަރެއް ނުވެގެން އާއްމުކޮށް އިއުލާންކުރީ މިމަހުގެ 12 ވަނަދުވަހުއެވެ.
ފުލުހުން ބުނީ، ރަމީޒް ގެއްލިގެން ހޯދުމަށް އާއްމުކޮށް އިއުލާންކުރި ދުވަހުގެ ހަވީރުގެ ވަގުތެއްގައި އޭނާ މާލެއިން ފެނިފައިވާކަމަށެވެ. އަދި އޭނާގެ އާއިލާއާ އޭނާ ގުޅިފައިވާކަމަށްވެސް ފުލުހުން ބުނެއެވެ.
