ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)އަކީ، ދިވެހިރާއްޖެއަށް ބިނާކުރަނިވި ޚިދުމަތްތަކެއް ކޮށްދީފައިވާ ޕާޓީއެއް ކަމަށާއި، އެ ޕާޓީއަށް ނިސްބަތްކޮށް އެއްޗެހި ގޮވާނަމަ އެއަށް ރައްދު ދެއްވާނޭކަމަށް ކުރީގެ އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ކުރީގެ ރައީސުލްޖުމްހޫރިއްޔާ، އަބްދުﷲ ޔާމީން އަބްދުލްޤައްޔޫމްގެ 2018 ވަނަ އަހަރުގެ ރަނިން މޭޓް، މިގޮތަށް ވިދާޅުވެފައި ވަނީ، މިހާރުގެ ފޮރިން މިނިސްޓަރު ޢަބްދުﷲ ޝާހިދު، ދެއްކެވި ވާހަކަފުޅަކަށް ރައްދުދެއްވައެވެ.
އެމްޑީޕީގެ ރިޔާސީ ޕްރައިމަރީއަށް، ރައީސް އިބްރާހީމް މުޙައްމަދު ޞާލިޙަށް ކެމްޕޭނުކުރައްވަމުން، ޝާހިދު ވިދާޅުވީ، މިފަހަރުގެ ޕްރައިމަރީގައި ކުރީގެ ރައީސް މުޙައްމަދު ނަޝީދަށް ކުރި ލިބިވަޑައިގެންފި ނަމަ، ޕީޕީއެމްގެ އަނިޔާވެރި ވެރިކަމެއް ފެށުމުގެ ބިރުއޮތްކަމަށެވެ.
"ޕީޕީއެމް އަކީ ކޮންމެ ދިމާއަކުން ބިނާކުރަނިވި ޚިދުމަތްތަކެއް ޤައުމަށް ކޮށްދީފައިވާ ޕާޓީއެއް. ރޔ.ގެ ވެރިކަމުގައި ޤާއިމުކުރި ބޮޑެތި ބިޔަ މަޝްރޫޢުތައް އެހުރީ ފެންނަން. ޝާހިދުމެން އެތެރޭގެ ޕްރައިމަރީގައި ޕީޕީއެމަށް އެއްޗެހި ގޮވަންޏާ ރައްދު ދެވޭނެ ވާހަކަ ދަންނަވަން." ޝާހިދަށް ރައްދު ދެއްވައި، ޑރ. ޝަހީމް ވިދާޅުވީ،
