ދެކުނުގައި މަސްވެރިކަމަށް ނުކުމެ އުޅުނު "ސަމަކް" ނަމަކަށް ކިޔާ މަސް ދޯންޏެއްގައި ހުރި ފަޅުވެރިޔެއްގެ ލޮލަށް ބުޅިއެއް ހެރިގެން އަވަސްފަރުވާ ދިނުމަށް، އޭނާ ހޮސްޕިޓަލަށް ގެންދިއުމުގައި އެމްއެންޑީއެފުން އެހީތެރިވެއްޖެއެވެ.
އެމްއެންޑީއެފުން ބުނީ، މަސްވެރިކަން ކުރަމުން ދަނިކޮށް ފަޅުވެރިއެއްގެ ލޮލަށް ބުޅިއެއްހެރި އަވަސް ފަރުވާބޭނުންވާ ކަމުގެ މަޢުލޫމާތު ކޯސްޓްގާޑުގެ މެރިޓައިމް ރެސްކިއު ކޯޑިނޭޝަން ސެންޓަރ (އެމްއާރުސީސީ) އަށް ލިބިފައިވަނީ މިއަދު މެންދުރު 13:31 ހާއިރުއެވެ.
މި މައުލޫމާތު ލިބުމާއެކު އެމްއެންޑީއެފް ސަދަން އޭރިއާ ކޮމާންޑް ކޯސްޓްގާޑު ފޯތު ސްކޮޑްރަންއިން، ސީ އެމްބިއުލާންސްގައި ބަލިމީހާ ވަނީ މިއަދު 15:21 ހާއިރު ގއ.ވިލިނގިލީ ހޮސްޕިޓަލަށް ގެންގޮސްދީފައިކަމަށްވެސް އެމްއެންޑީއެފުން ބުނެއެވެ.
