މައްޗަންގޯޅި ޓިޔުލިޕްގޭގައި އަލިފާނުގެ ހާދިސާއެއް ހިނގައި، އެކިވަރުގެ ގެއްލުންތައް ލިބިއްޖެއެވެ،
އެމްއެންޑީއެފުން ބުނީ، އަލިފާން ރޯވީ، އެގޭ ފަސް ވަނަ ފަންގިފިލާގައި ކަމަށާއި ރޯވި އަލިފާން އެމްއެންޑީއެފް ފަޔަރ އެންޑް ރެސްކިއު ސަރވިސް އިން ނިއްވާލައިފައިވާ ކަމަށެވެ.
"މިހާދިސާގެ ރިޕޯޓް މިއަދުގެ 15:33 ހާއިރު އެމްއެންޑީއެފް ފަޔަރ އެންޑް ރެސްކިއު ސަރވިސް އަށް ލިބުމާއެކު އެފްއާރުއެސްގެ ފަޔަރމަނުން ވަނީ ވަގުތުން ހަރާކާތްތެރިވާން ފަށާފައި. އެފްއާރުއެސްގެ ފަޔަރމަނުން އަލިފާން ރޯވެފައިވާ ގެއަށް ގޮސް ބެލި ބެލިއިރު އަލިފާން ރޯވެފައި ވަނީ އެ އިމާރާތުގެ ފަސްވަނަ ފަންގިފިލާގައި. އެފްއާރުއެސްގެ ފަޔަރމަނުން ކުރި މަަސައްކަތުން ރޯވެފައިވާ އަލިފާން އެއްކޮށްނިއްވާލެވިފައި ވަނީ 16:16 ހާއިރު" އެމްއެންޑީއެފުން ބުންޏެވެ.
މީގެ އިތުރުން މިހާދިސާގައި އެ އިމާރާތުގެ ފަސްވަނަ ފަންގިފިލާއަށް ވަނީ އެކިވަރުގެ ގެއްލުންތައް ލިބިފައި ކަމަށާއި ނަމަވެސް، މިހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށް އެމްއެންޑީއެފުން ބުންޏެވެ.
