ދުނިޔޭގެ ފުޓްބޯޅައިގެ ގަދަ ބާރެއް ކަމަށްވާ، އަދި މިވަގުތު ފީފާ ރޭންކިންގެ 3 ވަނައިގައި އޮތް އާޖެންޓީނާ އަތުން 2-1ގެ ނަތީޖާއަކުން މޮޅުވި ތާރީޚީ މެޗުގެ އުފަލުގައި ސައޫދީ ސަރުކާރުން މާދަމައަކީ އެގައުމުގެ ސަރުކާރު އޮފީސްތަކާއި އަމިއްލަ ކުންފުނިތަކުގެ މުވައްޒަފުންނަށް ވެސް ޗުއްޓީ ދުވަހެއްގެ ގޮތުގައި ހަމަޖައްސައިފިއެވެ.
ސައުދީ ރަސްގެފާނު ސަލްމާނު ބިން އަބްދުލްއަޒީޒް ވިދާޅުވީ، ސައުދީ ގައުމީ ފުޓްބޯޅަ ޓީމު ހޯދި ކާމިޔާބީ ފާހަގަކުރުމުގެ ގޮތުން، އެގައުމުގެ ސިއްހީ ޚިދުމަތްދޭ ފަރާތްތަކާއި، ސަލާމަތީ ބާރުތަކާއި އަދި ބޭންކުތައް ފިޔަވައި ހުރިހާ ދާއިރާތަކަށް މާދަމާ ބަންދުވާނޭ ކަމަށެވެ.
ޢަރަބި ފަސްގަނޑުގައި ފުރަތަމަ ފަހަރަށް ކުރިއަށްދާ ވޯލްޑް ކަޕްގައި ސައޫދީން ހޯދި ކާމިޔާބީއަކީ މުޅި ޢަރަބި ދުނިޔެއަށް ވެސް ލިބު ފުޓްބޯޅައިގެ ބޮޑު އުފަލެކެވެ.
