ވޯލްޑް ކަޕް ގްރޫޕް "އީ"ގެ ފުރަތަމަ މެޗުގައި މިއަދު، ޔޫރަޕްގެ ފުޓްބޯޅައިގެ ބާރެއް ކަމަށްވާ ޖަރުމަނާ ދެކޮޅަށް ކުޅެ، އޭޝިއާގެ ފުޓްބޯޅައިގެ ބާރު، ޖަޕާނުން ފަހަތުން އަރައި ޖަރުމަނު ބަލިކޮށްފިއެވެ.
ގަތަރުގެ ޚަލީފާ އިންޓަނޭޝަނަލް ސްޓޭޑިއަމްގައި މިއަދު ކުޅުނު މެޗުގައި، ޖަރުމަނުން ލީޑު ނެގީ، އެޓީމަށް ލިބުނު ޕެނަލްޓީއަކުން 33 ވަނަ މިނިޓްފައި އިލްކޭ ގުންޑޮގާންއެވެ. އަދި ފުރަތަމަ ހާފް ނިމުނީ މި ނަތީޖާގައެވެ.
މެޗުގެ 75 ވަނަ މިނިޓްގައި ރިސޫ ޑޯން ޖަހައިދިން ލަނޑާއެކު ނަތީޖާ ހަމަކޮށް، ޖަޕާނުން ޖަރުމަނުގެ މައްޗަށް ހޯދި ތާރީޚީ ފުރަތަމަ މޮޅު ޔަގީންކުރި ލަނޑު އެޓީމަށް ޖަހައިދިނީ، 83 ވަނަ މިނިޓްގައި ޓަކުމާ އަސާނޯއެވެ. މިއީ ޖަޕާނަށް ވިލާތު ޓީމެއް ބަލިކުރެވުނު ފުރަތަމަ ފަހަރުވެސްމެއެވެ.
މިގްރޫޕްގައި ދެން ހިމެނެނީ، ސްޕެއިން އަދި ކޮސްޓަރީކާއެވެ.
