މިފަހަރުގެ ވޯލްޑް ކަޕްގައި ސްޕޭން ކުޅުނު ފުރަތަމަ މެޗަކީ ބާސެލޯނާގެ ޒުވާން މިޑްފީލްޑަރު ގަވީއަށް ވަރަށް ޚާއްސަ މެޗެކެވެ.
ކޮސްޓަރީކާއާ ދެކޮޅަށް، ކުޅެ، 7-0ގެ ނަތީޖާއަކުން މޮޅުވެ، ވޯލްޑް ކަޕްގައި ސްޕޭން ހޯދި އެންމެ ތަފާތު ބޮޑު މޮޅު، ފެނިގެން ދިޔަ މި މެޗުގެ 74 ވަނަ މިނިޓްގައި ގަވީގެ ފަރާތުން ފެނިގެން ދިޔަ ލަނޑާއެކު، ގަވީ ވެގެން ގޮސްފައި ވަނީ، ސްޕޭންގެ ގައުމީޓީމަށް ވޯލްޑް ކަޕްގައި ލަނޑު ޖަހައިދިން އެންމެ ޒުވާން ކުޅުންތެރިޔާއަށެވެ. އަދި މީގެ އިތުރުން މި ލަނޑާއެކު ގަވީ ވެގެން ގޮސްފައިވަނީ ދުނިޔޭގެ ފުޓްބޯޅައިގެ ކުރީގެ ރަސްގެފާނު ބްރެޒިލްގެ ޕެލޭއަށް ފަހު، ވޯލްޑް ކަޕްގައި މިހާތަނަށް ލަނޑުޖެހި އެންމެ ޒުވާން ކުޅުންތެރިޔާއަށެވެ.
މި ލަނޑު ޖެހިއިރު ގަވީގެ އުމުރަކީ 18 އަހަރާ 110 ދުވަހެވެ. ޕެލޭ ރެކޯޑު ހަދާފައި ވަނީ، 1958 ވަނަ އަހަރުގެ ވޯލްޑް ކަޕް ފައިނަލްގައި ސްވިޑެން ކޮޅަށް ލަނޑު ޖަހައިގެންނެވެ. އޭރު އޭނާގެ އުމުރަކީ 17 އަހަރު 249 ދުވަހެވެ.
މި މެޗުގައި ގަވީގެ ފަރާތުން ވަނީ، މޮޅު ކުޅުމެއް ދައްކައިފައެވެ.
