ވޯލްޑް ކަޕް ގްރޫޕް "އޭ"ގެ ހަތަރުވަނަ މެޗުގައި ނެދަލޭންޑްސްއާ އީކުއޭޑޯ ވާދަކުރި މެޗު 1-1ގެ ނަތީޖާއަކުން އެއްވަރުވެއްޖެއެވެ.
މި މެޗުގެ ކުރީން ސެނަގޯލްއާ ގަތަރު ވާދަކުރި މެޗުން 3-1އިން ބަލިވެ ގަތަރު މުބާރާތުން ކެޓި ނަމަވެސް، ގްރޫޕްގައި ބާކީ އޮތް އެއްވެސް ޓީމަކަށް އަދި ގަދަ 16 ކަށަވަރެއް ނުވެއެވެ.
ގަތަރުގެ ޚަލީފާ އިންޓަރނޭޝަނަލް ސްޓޭޑިއަމްގައި ކުޅުނު ފޯރިގަދަ މެޗުގެ 6 ވަނަ މިނިޓްގައި ނެދަލޭންޑްސްގެ ކޯޑީ ގެޕޯވަނީ އެޓީމަށް ލީޑު ނަގައިދީފައެވެ. ނަމަވެސް، ދެވަނަ ހާފް ފަށައިގެން 5 މިނިޓް ތެރޭގައި ލަނޑެއް ޖަހައި އީކުއޭޑޯގެ އެނަރ ވެލަންސިއާ ވަނީ މެޗުގެ ނަތީޖާ ހަމަހަމަކޮށްފައެވެ.
މިގްރޫޕްގައި ކޮންމެ ޓީމެއްވެސް 2 މެޗު ކުޅެފައިވާއިރު، ގަތަރު ފިޔަވައި ކޮންމެ ޓީމަކަށްވެސް ލިބިފައިވަނީ 1 ޕޮއިންޓެވެ. ގްރޫޕްގެ ފަހު ދެމެޗުގައި މިމަހު 29 ވަނަ ދުވަހު ގަތަރު ކުޅޭނީ ނެދަލޭންޑްއާ ދެކޮޅަށެވެ. އީކުއޭޑޯ ނުކުންނާނީ ސެނަގޯލާ ދެކޮޅަށެވެ.
