ވޯލްޑް ކަޕް ގްރޫޕް "ބީ"ގެ ހަތަރުވަނަ މެޗުގައި އިނގިރޭސިވިލާތާ އެމެރިކާ ވާދަކުރި މެޗު ލަނޑެއް ނުޖެހި އެއްވަރުވެއްޖެއެވެ.
އަލް ބައިތު ސްޓޭޑިއަމްގައި ކުޅުނު ވާދަވެރި މެޗުން މި ދެޓީމު އެއްވަރުވުމުން، އިނގިރޭސީންނަށް ގަދަ 16 ކަށަވަރުކޮށްލަން ލިބުނު ފުރުސަތު މިވަނީ، ފަހު މެޗާހަމައަށް މަޑުޖެހިފައެވެ.
މިގްރޫޕްގެ އެއްވަނައިގައި މިވަގުތު، އިނގިރޭސީން އޮތީ 4 ޕޮއިންޓް ފައިދާ 4 ލަނޑާއެކުއެވެ. ގްރޫޕްގެ ދެވަނައިގައި އީރާން އޮތީ 3 ޕޮއިންޓާއެކުއެވެ. އަދި ތިންވަނައިގައި 2 ޕޮއިންޓާއެކު އެމެރިކާއޮތް އިރު 1 ޕޮއިންޓާއެކު ގްރޫޕްގެ ފުލުގައި އޮތީ ވޭލްސްއެވެ.
މި ގްރޫޕްގެ ފަހު މެޗުތައް އޮންނާނީ، ނޮވެމްބަރ 29ގައެވެ. އިނގިރޭސީން ވޭލްސްއާ ދެކޮޅަށް ކުޅޭއިރު، އެމެރިކާ ނުކުންނާނީ އީރާނާ ދެކޮޅަށެވެ.
