ފީފާ ވޯލްޑް ކަޕް 2022ގެ ގްރޫޕް "އެފް"ގެ 3 ވަނަ މެޗުގައި ދުނިޔޭގެ ފުޓްބޯޅަ ރޭންކިންގެ ދެވަނައިގައި އޮތް ބެލްޖިއަމް، ރޭންކިންގެ 22 ވަނައިގައި އޮތް މޮރޮކޯ އަތްދަށުވެއްޖެއެވެ.
މެޗުގެ 73 ވަނަ މިނިޓްގައި މޮރޮކޯގެ އަބްދުލްހާމިދު ސަބީރީ ލަނޑާއެކު މޮރޮކޯ ލީޑު ނަގަންދެންވެސް، ރަނގަޅަށް ކުޅެމުން ގެންދިޔައީ ބެލްޖިއަމެވެ. ނަމަވެސް، އެޑެން ހަޒާޑް، ކެވިން ޑިބްރޭނާ، މިޗީ ބަޓްޝުއާއީ ފަދަ އެތަކެއް ތަރީންގެ މައްޗަށް އެކުލެވޭ ބެލްޖިއަމަށް ގޯލްގެ ދާގަނޑާ ހަމައަށް ބޯޅަ ފޮނުވާ ނުލެވި އުޅެނިކޮށް، ފަހު ހާފުގައި ސަބީރީއާއެކު، ބަދަލު ކުޅުންތެރިއެއްގެ ގޮތުގައި ކުޅެންއެރި، ޒަކަރިއާ އަބޫޚުލާލް ވަނީ، މެޗުގެ އިތުރުވަގުތުގެ 2 ވަނަ މިނިޓްގައި ލަނޑެއްޖަހައި ބެލްޖިއަމް ހައިރާންކޮށްލައިފައެވެ.
މި ނަތީޖާއާކު، އުތުރު އެފްރިކާއަށް ނިސްބަތްވާ، މޮރޮކޯ މިވަނީ، ތާރީޚީ މޮޅާއެކު، ގްރޫޕް "އެފް"ގެ އެއްވަނައަށް މިވަގުތު ޖެހިލައިފައެވެ.
މިގްރޫޕްގައި މިރޭ ކުޅޭނީ، ކްރޮއޭޝިއާ-ކެނެޑާއެވެ.
