ފީފާ ވޯލްޑް ކަޕް 2022ގެ ގްރޫޕް "އެޗް"ގެ 3 ވަނަ މެޗުގައި ދެކުނު ކޮރެއާ އަތުން 2-3ގެ ނަތީޖާއަކުން މޮޅުވެ ގާނާއިން މި މުބާރާތުގެ ދެވަނަ ބުރަށް ދިއުމުގެ ފުރުސަތު ބޮޑުކޮށްފިއެވެ.
އެޑިއުކޭޝަން ސިޓީ ސްޓޭޑިއަމްގައި ކުޅުނު ފޯރިގަދަ މެޗުގައި ފުރަތަ ލީޑު ނެގީވެސް ގާނާއެވެ. އެގޮތުން 24 ވަނަ މިނިޓްގައި އެޓީމުގެ ފުރަތަމަ ލަނޑު ޖަހައިދިނީ ޑިފެންޑަރު މުޙައްމަދު ސަލިސޫއެވެ. މިއީ މިހާތަނަށް ގާނާގެ ޑިފެންޑަރަކު ކާމިޔާބުކުރި ފުރަތަމަ ވޯލްޑް ކަޕް ލަނޑެވެ. އަދި 34 ވަނަ މިނިޓްގައި އެޓީމުގެ ދެވަނަ ލަނޑު ޖަހައިދިނީ މުޙައްމަދު ކުޑޫސްއެވެ. މެޗުގެ 68 ވަނަ މިނިޓްގައި ގާނާގެ 3 ވަނަ ލަނޑުވެސް ޖަހައިދިނީ ކުޑޫސްއެވެ.
ކޮރެއާގެ ދެލަނޑުވެސް ކާމިޔާބުކުރީ ޗޯ ގޫ ސުންއެވެ. އޭނާ ފުރަތަމަ ލަނޑު ޖެހީ 58 ވަނަ މިނިޓްގައެވެ. އަދި ދެވަނަ ލަނޑު ޖެހީ 61 ވަނަ މިނިޓްގައެވެ.
މި ނަތީޖާއާއެކު، އެއް މެޗުން 3 ޕޮއިންޓާއެކު ފައިދާ ގޯލަކާއެކު 1 ވަނައިގައި އޮތް ޕޯޗްގަލްގެ ފަހަތުން، ދެމެޗާއެކު ގާނާވަނީ ދެވަނައަށް ޖެހިލައިފައެވެ. މިރޭ މިގްރޫޕްގެ ހިމެނޭ އުރުގުއޭ ޕޯޗްގަލް މެޗު އޮންނާނެއެވެ.
