ފީފާ ވޯލްޑް ކަޕް 2022ގެ ގްރޫޕް "ޑީ"ގައި ޑެންމާކާ ދެކޮޅަށް ކުޅެ 1-0ގެ ނަތީޖާއަކުން މޮޅުވެ، އޮސްޓްރޭލިއާއިން މުބާރާތުގެ ގަދަ 16ގެ ޖާގައެއް ކަށަވަރުކޮށްފިއެވެ. އޮސްޓްރޭލިއާއަކީ މި މުބާރާތުގައި ވާދަކުރާ ޓީމުތަކުގެ ތެރޭން ގަދަ16އަށް ދަތުރުކުރި އޭޝިއާގެ ފުރަތަމަ ޓީމެވެ.
އަލް އަލް ޖަނޫބް ސްޓޭޑިއަމްގައި ކުޅުނު ފޯރިގަދަ މެޗުގައި ފެނިގެ ދިޔަ ހަމައެކަނި ލަނޑު 60 ވަނަ މިނިޓްގައި ކާމިޔާބުކުރީ މެތިއު ލިކީއެވެ.
މިއީ އޮސްޓްރޭލިއާއިން ވޯލްޑް ކަޕްގެ ދެވަނަ ބުރަށް ދަތުރުކުރި ދެވަނަ ފަހަރެވެ.
މި ނަތީޖާއާއެކު ޔޫރޯ2020ގެ ސެމީފައިނަލްގައި ވާދަކުރި ޑެންމާކަށް ވަނީ މުބާރާތަށް އަލްވަދާޢުކިޔާންޖެހިފައެވެ. އަދި ކުޅުނު 3 މެޗުން 5 ޕޮއިންޓް ލިބިގެން ގްރޫޕް "ބީ"ގެ 2 ވަނަ ލިބުނު އޮސްޓްރޭލިއާ ގަދަ 16ގައި ވާދަކުރާން ޖެހޭނީ، ގްރޫޕް "ސީ"ގެ 1 ވަނަ ހޯދި ވަރުގަދަ އާޖެންޓީނާއާ ދެކޮޅަށެވެ.
