ފީފާ ވޯލްޑް ކަޕް 2022ގެ ގްރޫޕް "ސީ"ގައި ޕޮލެންޑާ އާޖެންޓީނާ ކުޅުނު ފޯރިގަދަ މެޗުން، 2-0އިން ޕޮލެންޑް ބަލިވި ނަމަވެސް، ގްރޫޕްގެ އެއްވަނަ ހޯދި އާޖެންޓީނާއާއެކު ގްރޫޕްގެ ދެވަނަ ޓީމުގެ ގޮތުގައި ޕޮލެންޑް ގަދަ 16އަށް ހިނގައްޖެއެވެ.
ސްޓޭޑިއަމް 974ގައި ކުޅުނު ފޯރިގަދަ މެޗުގައި އާޖެންޓީނާއަށް ލަނޑު ޖަހައިދިނީ، 46 ވަނަ މިނިޓްގައި އެލެކްސިސް މެކް އެލިސްޓަރ އަދި 67 ވަނަ މިނިޓްގައި ޖޫލިއަން އަލްވަރޭޒެވެ.
މި ނަތީޖާއެކު، 6 ޕޮއިންޓާއެކު އެއްވަނަ ހޯދި އާޖެންޓީނާ ވާދަކުރާނީ، އޮސްޓްރޭލިއާއާއެވެ. އަދި ޕޮލެންޑް ވާދަކުރާނީ، ފްރާންސާއެވެ.
