ފީފާ ވޯލްޑް ކަޕް 2022ގެ ގްރޫޕް "އެފް"ގައި، މޮރޮކޯ ކުޅުނު ފަހު މެޗުގައި 2-1ގެ ނަތީޖާއަކުން ކެނެޑާ ބަލިކޮށް، ގްރޫޕްގެ އެއްވަނަ ޓީމުގެ ގޮތުގައި މޮރޮކޯ ދެވަނަ ބުރަށް ގޮސްފިއެވެ.
އެންމެ ފަހުގެ ވޯލްޑް ކަޕްގެ ދެވަނަ ހޯދި ކްރޮއޭޝިއާއާއި ތިންވަނަ ހޯދި ބެލްޖިއަމާ އެއް ގްރޫޕެއްގައި ވާދަކޮށް، ގްރޫޕްގެ އެއްވަނަ ހޯދި މޮރޮކޯއަށް ވޭތުވެދިޔަ 36 އަހަރު ތެރޭ މި މުބާރާތުގެ ދެވަނަ ބުރަށް ދިޔަ ފުރަތަމަ ފަހަރެވެ.
އަލް ޘުމާމާ ސްޓޭޑިއަމްގައި ކުޅުނު ފޯރިގަދަ މެޗުގެ ކުރީކޮޅުގައި މޮރޮކޯއިން ލީޑުނެގިއެވެ. މެޗުގެ 4 ވަނަ މިނިޓްގައި ހަކީމް ޒިޔެޗް ޖެހިލަނޑާއެކު ލީޑު ނެގި މޮރޮކޯއަށް ލީޑު ފުޅާކޮށްދިނީ 23 ވަނަ މިނިޓްގައި ޔޫސުފްއަށް ނަސީރީއެވެ.
މި މެޗުން ބަލިވި ނަމަވެސް، ކްރޮއޭޝިއާ ވަނީ، ދެވަނަ ޓީމުގެ ގޮތުގައި ދެވަނަބުރަށް ގޮސްފައެވެ.
