ފީފާ ވޯލްޑް ކަޕް 2022ގެ ގްރޫޕް "އެޗް"ގައި، އުރުގުއޭ ކުޅުނު މެޗުން 2-0 ލަނޑުން ގާނާއަތުން މޮޅުވެ ޕޮއިންޓުގެ ގޮތުން ގްރޫޕްގެ ދެވަނައިގައި އޮތް ކޮރެއާއާ އެއްވަރު ކޮށްލެވުނު ނަމަވެސް، ޖެހި ލަނޑުގެ ތަފާތުން އެޓީމަށް ދެވަނަ ބުރުގެ ފުރުސަތު ގެއްލިއްޖެއެވެ.
އަލް ޖަނޫބު ސްޓޭޑިއަމްގައި ކުޅުނު ފޯރިގަދަ މެޗުގައި އުރުގުއޭއިން ވަނީ ރަނގަޅު ކުޅުމެއް ދައްކައިފައެވެ. އަދި ފުރަތަމަ ހާފްގައި ޖޯޖިއަން ޑީ އެރަސެޓާ ވަނީ އެޓީމަށް ދެލަނޑުގެ ("26، "32) ލީޑެއް ހޯދައިދީފައެވެ. ނަމަވެސް މި ނަތީޖާއާއެކު ދެވަނަ ހާފްގެ އިތުރު ވަގުތާ ހަމައަށް ދިޔައިރު، މި ގްރޫޕްގައި ދެން ކުޅެމުން ދިޔަ ކޮރެއާ ވަނީ، ޕޯޗުގީޒުންގެ ކޮޅަށް ދެލަނޑު ޖަހައި، ޖެހި ލަނޑުގެ ތަފާތު ބޮޑުކޮށްފައެވެ.
އަދި މެޗު ނިމިގެން ދިޔައީ އިތުރު ލަނޑެއް ނުފެނި، ގާނާއަތުން މޮޅުވި ނަމަވެސް، އުރުގުއޭ ކުޅުންތެރީން ހިތްދަތިކޮށް ރޮށްވާލައިފައެވެ.
މި ގްރޫޕުން ދެވަނަ ބުރަށް ދިޔައީ، ކޮރެއާ އަތުން 2-1އިން ބަލިވި ޕޯޗުގީޒުންނާއި ކޮރެއާއެވެ.
