ފީފާ ވޯލްޑް ކަޕް 2022ގެ ގަދަ 16ގެ ދެވަނަ މެޗުގައި އޮސްޓްރޭލިއާ އަތުން 2-1ގެ ނަތީޖާއަކުން މޮޅުވެ، އާޖެންޓީނާ މި މުބާރާތުގެ ކުއާޓަރ ފައިނަލްގެ ޖާގައެއް ކަށަވަރުކޮށްފިއެވެ.
އަޙްމަދު ބިން ޢަލީ ސްޓޭޑިއަމްގައި ކުޅުނު ފޯރިގަދަ މެޗުގައި ދެޓީމުގެ ފަރާތުންވެސް ވާދަވެރި ކުޅުމެއް ފެނިގެން ދިޔައެވެ.
މެޗުގައި އާޖެންޓީނާއަށް ލީޑު ނަގައިދިނީ ފުރަތަމަ ހާފުގެ 35 ވަނަ މިނިޓްގައި ލިއޮނަލް މެސީއެވެ. އަދި 57 ވަނަ މިނިޓްގައި ޖޫލިއާން އަލްވަރޭޒް ވަނީ އާޖެންޓީނާގެ ލީޑު ފުޅާކޮށްފައެވެ.
އޮސްޓްރޭލިޔާގެ ލަނޑު ފެނިގެން ދިޔައީ 77 ވަނަ މިނިޓްގައެވެ. އެއީ އާޖެންޓީނާގެ އެންޑޯ ފެނާންޑޭޒް އަތުން ބައިކޮޅަށް ވަން ލަނޑެކެވެ.
ކުއާޓަރ ފައިނަލްގައި އާޖެންޓީނާ ވާދަކުރާން ޖެހޭނީ، އެމެރިކާ ބަލިކޮށް ކުއާޓާއަށް ދިޔަ ނެދަލޭންޑްސްއާ ދެކޮޅަށެވެ.
