ފީފާ ވޯލްޑް ކަޕް 2022ގެ ގަދަ 16ގެ ހަތަރު ވަނަ މެޗުގައި ސެނަގޯލް އަތުން ފަސޭހަކަމާއެކު 3-0 ލަނޑުން މޮޅުވެ އިނގިރޭސީން މި މުބާރާތުގެ ކުއާޓަރއަށް ދަތުރުކޮށްފިއެވެ.
އަލް ބައިތު ސްޓޭޑިއަމްގައި ކުޅުނު ފޯރިގަދަ މެޗުގެ ފުރަތަމަ ހާފްގައި ސެނަގޯލްގެ ފަރާތުން ރަނގަޅު ކުޅުމެއް ދައްކައި ހަމަލާތަކެއް އުފަދަމުން ދަނިކޮށް، އިންގުލޭންޑުން ލީޑުނެގީ، 38 ވަނަ މިނިޓްގައި ޖޯޑަން ހެންޑަސަންއެވެ. އަދި ފުރަތަމަ ހާފްގެ އިތުރު ވަގުތުގެ ފަހު ވަގުތުކޮޅުތެރޭގައި ހެރީކޭން ޖެހި ލަނޑާއެކު އިނގިރޭސީން މި ހާފުގައި ދެ ލަނޑުގެ ލީޑެއް ނެގިއެވެ.
ފަހު ހާފުގައި ސެނަގޯލަށް މާކަ ރަނގަޅު ކުޅުމެއް ނުދެއްކުނެވެ. އަދި އޭގެ ފައިދާ ނަގައި، އިނގިރޭސީން ވަނީ، 57 ވަނަ މިނިޓްގައި އިތުރު ލަނޑެއް ޖަހައި ނަތީޖާ ފުޅާކޮށްފައެވެ. މި ލަނޑު އެޓީމަށް ޖަހައިދިނީ ޒުވާން ފޯވާޑް ބުކަޔޯ ސަކާއެވެ.
ކުއާޓަރ ފައިނަލްގައި އިނގިރޭސީން ވާދަކުރާން ޖެހޭނީ ޕޮލެންޑް ބަލިކޮށް ކުއާޓަރއިން ޖާގަހޯދި ވާދަވެރި ފްރާންސާ ދެކޮޅަށެވެ.
