ފީފާ ވޯލްޑް ކަޕް 2022ގެ ގަދަ 16ގެ 6 ވަނަ މެޗުގައި ދެކުނު ކޮރެއާ އަތުން 4-1ގެ ނަތީޖާއަކުން މޮޅުވެ، ބްރެޒިލް މި މުބާރާތުގެ ކުއާޓަރފައިނަލުން ޖާގަ ހޯދައިފިއެވެ.
ސްޓޭޑިއަމް 974ގައި ކުޅުނު ފޯރިގަދަ މެޗުގެތެރެއަށް ކޮރެއާ ޓީމަށް ރަނގަޅަށް ނުވަދެވި އުޅެނިކޮށް، މެޗުގެ 7 ވަނަ މިނިޓްގައި ބްރެޒިލްގެ ޒުވާން ފޯވާޑް ވިނިޝަސް ޖޫނިއާ ވަނީ ކޮރެއާގެ ގޯލް ފޫއަޅުވާލައިފައެވެ. އަދި 13 ވަނަ މިނިޓްގައި ބްރެޒިލަށް ލިބުނު ޕެނަލްޓީއަކުން އެޓީމުގެ ދެވަނަ ލަނޑު ނޭމާ ކާމިޔާބުކުރުމުން ކޮރެއާއަށް މެޗު ވަރަށް ބޮޑަށް އުނދަގޫވެގެން ދިޔައެވެ.
ބްރެޒިލުން ޖެހި 4 ލަނޑުވެސް ފެނިގެން ދިޔައީ ފުރަތަމަ ހާފުގައެވެ. އެގޮތުން އެޓީމުގެ 3 ވަނަ ލަނޑު 29 ވަނަ މިނިޓްގައި ރިޗަލިސަން ކާމިޔާބުކޮށްދީފައި ވާއިރު، 36 ވަނަ މިނިޓްގައި އެޓީމުގެ 4 ވަނަ ލަނޑު ޖަހައިދިނީ ލޫކަސް ޕަކެޓާއެވެ.
ޖަޕާނުގެ ހަމަ އެކަނި ލަނޑު މެޗުގެ 76 ވަނަ މިނިޓްގައި ޖަހައިދިނީ، ޕައިކް ސޫންހޯއެވެ.
ކުއާޓަރގައި ބްރެޒިލް ވާދަކުރާނީ އޭޝިއާގެ ޖަޕާން އަތުން ޕެނަލްޓީ ޖަހައިގެން މޮޅުވި ކްރޮއޭޝިއާ ދެކޮޅަށެވެ.
