ފީފާ ވޯލްޑް ކަޕް 2022ގެ ގަދަ 16ގެ 7 ވަނަ މެޗުގެ ފުރިހަމަ ވަގުތާއި އިތުރު ވަގުތު ކުޅެގެންވެސް ނަތީޖާ އެއްވަރުވުމުން ޕެނަލްޓީ ޖަހައިގެން ސްޕޭން ބަލިކޮށް މޮރޮކޯއިން މި މުބާރާތުގެ ކުއާޓަރފައިނަލުން ޖާގަ ހޯދައިފިއެވެ.
އެޑިއުކޭޝަން ސިޓީ ސްޓޭޑިއަމްގައި ކުޅުނު ފޯރިގަދަ މެޗުގައި، ސްޕޭންގެ ވަރުގަދަ ކުޅުން މޮރޮކޯއިން ވަނީ ފުރިހަމަ ޑިފެންސިވް ޑިސިޕްލީންއަކާއެކު މައިތިރިކޮށްފައެވެ. އަދި މީގެ އިތުރުން މޮރޮކޯއިން ވަނީ ސްޕޭންގެ ގޯލަށްވެސް ނުރައްކާކޮށްފައެވެ.
މެޗުގެ ފުރިހަމަ ވަގުތު ހަމަވެ، އިތުރު ވަގުތުގެ 30 މިނިޓް ކުޅެގެންވެސް ނަތީޖާ އެއްވަރުވުމުން، ނަތީޖާ ނެރެން ޖެހި ޕެނަލްޓީގައި، ސްޕޭންގެ މައްޗަށް މޮރޮކޯ ކުރިހޯދީ 3-0ގެ ނަތީޖާއަކުންނެވެ. ސްޕޭނުން 3 ޕެނަލްޓީ މިސްކޮށްލިއިރު، މޮރޮކޯ ކީޕަރުވަނީ ސްޕޭންގެ 2 ޕެނަލްޓީ މަތަކޮށްފައެވެ. އަދި އެއްޕެނަލްޓީ ދަނޑީގައި ޖެހިފައި ބޭރުވީއެވެ.
ކްއާޓަރފައިނަލްސްގައި މޮރޮކޯ ވާދަކުރާނީ މިރޭ ސްވިޓްޒަލޭންޑް ޕޯޗްގަލް މެޗުން މޮޅުވާ ޓީމަކާއެވެ.
