ފީފާ ވޯލްޑް ކަޕް 2022ގެ ކުއާޓަރ ފައިނަލްގައި ޕޯޗުގީޒުން 1-0ގެ ނަތީޖާއަކުން ބަލިކޮށް، މުބާރާތުގެ ސެމީފައިނަލްގެ ޖާގައެއް މަޣްރިބް ކަރަ (މޮރޮކޯ)އިން ހޯދައިފިއެވެ. މިއީ، ވޯލްޑް ކަޕްގެ ތާރީޚުގައިވެސް އެފްރިކާ ބައްރުގެ ޓީމެއް މި މުބާރާތުގެ ސެމީއަށް ދަތުރުކުރި ފުރަތަމަ ފަހަރެވެ.
ގަތަރުގެ އަލް ޘުމާމާ ސްޓޭޑިއަމްގައި ކުޅުނު ފޯރިގަދަ މެޗުގައި ޕޯޗުގީޒުން ރަނގަޅު ކުޅުމެއް ދެއްކިނަމަވެސް، މޮރޮކޯގެ ގޯލް ފޫއަޅުވައެއް ނުލެވުނެވެ. ވަރުގަދަ ޑިފެންސް ކުޅުމަކާއެކު މަދު ހަމަލާތަކެއް އުފެއްދި މޮރޮކޯއިން ޕޯޗުގީޒް ގޯލް ފޫއަޅުވައިލީ 42 ވަނަ މިިނިޓްގައި ޔޫސުލް އަލް ނަސްރީ ޖަހައިދިން ރީތި ލަނޑުންނެވެ. މިއީ އޭނާ ވޯލްޑް ކަޕްގައި ކާމިޔާބުކުރި ފުރަތަމަ ލަނޑެވެ.
މޮރޮކޯގެ މިކާމިޔާބީ ފާހަގަކޮށް މުޅި އަރަބި ދުނިޔެއާއި، ދުނިޔޭގެ އެކިކަންކޮޅުތަކުން މުސްލިމުން ދަނީ އުފާފާޅުކުރަމުންނެވެ.
ސެމީގައި މޮރޮކޯ ވާދަކުރާން ޖެހޭނީ، މިރޭ ފްރާންސާ އިންގްލޭންޑް ކުޅޭ ކުއާޓަރ މެޗުން މޮޅުވާ ޓީމަކާ ދެކޮޅަށެވެ.
