މިއަހަރު ޤަތަރުގައި ކުރިއަށްދާ ވޯލްޑް ކަޕް ފުޓްބޯޅަ މުބާރާތުގެ މެޗްތައް ކުޅޭ ދަނޑުތަކުގައި ބަނގުރާ ވިއްކުން މަނާކޮށްފިއެވެ.
ގަތަރުގެ 8 ދަނޑެއްގައި ވޯލްޑް ކަޕް މެޗްތައް ކުޅޭން ހަމަޖެހިފައިވާ އިރު، ދަނޑުތަކުގައި ބަނގުރާ ވިއްކުން މަނާކުރާން ނިންމާފައި ވަނީ، ޤަތަރު ސަރުކާރާއި، ދުނިޔޭގެ ފުޓްބޯޅައިގެ މައި އިދާރާ މަޝްވަރާކުރުމަށް ފަހުއެވެ.
ޤަތަރަކީ އިސްލާމީ ދައުލަތެއް އޮންތަ ޤައުމަކަށް ވުމުން، މިފަހަރުގެ ވޯލްޑް ކަޕްގައި އިސްލާމް ދީނާ ޚިލާފު ޝިޢާރުތައް ފާޅުކުރުމާއި، އެފަދަ ޢަމަލުތައް ހިންގާ ފަރާތްތަކާ މެދު ޤަތަރުގެ ޤާނޫނާ އެއްގޮތަށް ފިޔަވަޅު އަޅާނޭކަން އެގައުމުން ވަނީ އަންގައިފައެވެ.
އަދި ފީފާއިންވެސް ވަނީ، މިއީ، ހުރިހާ ފަރާތްތަކެއް ގުޅިގެން ކުރެވުނު މަޝްވަރާގެ މަތީން، ނިންމި ނިންމުންތަކެއް ކަމަށާއި، އެހެންކަމުން، ޤަތަރުގެ ޘަޤާފަތާއި އާދަކާދަތަކާއި އަދި ޤާނޫނުތަކާ އެއްގޮތަށް ހުރިހާ ފަރާތްތަކުންވެސް ޢަމަލުކުރުމަށް އެދިފައެވެ.
މިއީ މެދުއިރުމަތީގައި ބާއްވާ ފުރަތަމަ ވޯލްޑް ކަޕް ފުޓްބޯޅަ މުބާރާތެވެ.
