ރިވޮލިއުޝަނަރީ ގާޑުންނަކީ ޓެރަރިސްޓުންގެ ގޮތުގައި އީޔޫއިން ކަނޑައެޅުމުން އީރާނުން ބަދަލު ހިފާނެ ކަމުގެ އިންޒާރު ދީފި

ބުރާސްފަތި ދުވަހު ޔޫރަޕިއަން ޔޫނިއަން (އީޔޫ) އިން މިވަނީ އީރާނުގެ އިސްލާމިކް ރިވޮލިއުޝަނަރީ ގާޑްސް ކޯރޕް (އައިއާރޖީސީ) އަކީ ޓެރަރިސްޓް ޖަމާއަތެއްގެ ގޮތުގައި ލޭބަލްކޮށްފައެވެ. އީރާނުގެ ވެރިކަންކުރާ އައިއާރސީޖީއަކީ ޓެރަރިސްޓުންގެ ގޮތުގައި ލޭބަލްކޮށްފައިވާ މިދަނޑިވަޅުގައި، އެމެރިކާއިން އީރާނަށް ހަމަލާއެއް ދީފިނަމަ، ވަގުތުން ބަދަލުހިފާނޭކަމުގެ އިންޒާރު އީރާނުން ވަނީ ދީފައެވެ. 

އީރާނުން ބުނީ، އެމެރިކާއިން އީރާނާ ދެކޮޅަށް ހަމަލާއެއް ދީފިނަމަ، އެ ސަރަޙައްދުގައިވާ އެމެރިކާގެ ބޭސްތަކާއި މަތިންދާބޯޓު އުފުލާ މަނަވަރުތަކަށް ވަގުތުން ހަމަލާ ދޭނެކަމަށެވެ. އަދި މިކަމަށްޓަކައި އީރާނުގެ 1000 ހާ ޑްރޯން މަތިންދާބޯޓު މިހާރުވެސް އައްސޭރިސަރަހައްދުގައި ތައްޔާރަށް ވާކަމަށް ރިޕޯޓުތައް ބުނެއެވެ.  

އީރާނުގައި މިހާރު ހިނގަމުންދާ މުޒާހަރާތަކާއި ހަމަނުޖެހުންތަކާ ގުޅިގެން، އެތައް ސަތޭކަ ބަޔަކު މަރުވެ، ބޮޑެތި ގެއްލުންތަކެއް ލިބިފައިވާ މި ދަނޑިވަޅުގައި، އެމެރިކާގެ ރައީސް ޑޮނަލްޑް ޓްރަމްޕު ވަނީ، އީރާނުން ނިއުކްލިއާ މަޝްވަރާތަކަށް އެދެވޭ އިޖާބައެއް ނުދީފި ނަމަ، ބާރުގެ ބޭނުންކުރާނޭކަމަށް ބުނެ، އެމެރިކާގެ ކަނޑުގެ ސިފައިންނާއި އަދި ވައިގެ ސިފައިންގެ އެންމެ ބާރުގަދަ އުޅަނދުފަހަރާގައި ލަޝްކަރުތައް ގަލްފު ސަރަހައްދަށް ޖަމާކުރާން ފަށައިފައެވެ. 

ސަރަޙައްދީ ނުތަނަވަސްކަން އިތުރުވެފައިވާ މި ދަނޑިވަޅުގައި އދ.އިން ވަނީ ނިއުކްލިއާ މަޝްވަރާތަކަށް އެނބުރި ދިއުމަށް އީރާނަށް ގޮވާލައިފައެވެ. 

ފާހަގަކޮށްލެވޭ:

• • ގަލްފުގައި ތިބި އެމެރިކާ ސިފައިންނަށް މިސައިލް ހަމަލާތަކުގެ ނުރައްކާ ބޮޑުކަމަށް އީރާނުން ބުނޭ.
  • އީޔޫ އިން ވަނީ އައިއާރްޖީސީ ބްލެކްލިސްޓް ކޮށްފައި.
  • އދ އިން ގޮވާލަނީ މިހާރުން މިހާރަށް ނިއުކްލިއާ މަޝްވަރާތައް ފެށުމަށް. 
  • އީރާނުން ތުހުމަތު ކުރާ ގޮތުގައި އީޔޫ އިން އަމަލު ކުރަނީ އެމެރިކާ އާއި އިޒްރޭލުގެ އިސްނެގުމަށް.
  • އީރާނުގެ މުޒާހަރާތަކުގައި 6،000 އަށް ވުރެ ގިނަ މީހުން މަރުވެފައިވާ ކަމަށް ރިޕޯޓް ކުރޭ. 
  • އަސްލު އަދަދު އެއަށް ވުރެ ބޮޑުވެދާނެ.
  • އިގްތިސާދު ހީނަރުވުމުން ރައްޔިތުން ދަނީ މާޔޫސްކަން ފާޅުކުރަމުން.
  • އެމެރިކާއިން ވަނީ، އެ ސަރަހައްދަށް އެމެރިކާގެ ނޭވީ ސްޓްރައިކް ގްރޫޕެއް ފޮނުވާފައި.
  • އީރާނުން ވަނީ ބަދަލު ހިފާނޭކަމުގެ އިންޒާރު ދީފައި.
  • ގަތަރާއި އީރާނުން ދަނީ ހަމަނުޖެހުން ކުޑަކުރުމަށް މަޝްވަރާ ކުރަމުން.
  • ތެހެރާންގެ ޕޯސްޓަރުތަކާއި ކުރެހުންތަކުން ދައްކަނީ އެމެރިކާގެ އެއާލައިންތައް ހަލާކުވަމުންދާ މަންޒަރު.